حکومەتی هەرێم لە ماوەکانی رابردوودا بە شانازییەوە باسی لە پڕۆژەکانی رێگاوبانی هەڵەبجە کردووە، بەڵام دەرکەتووە سفر دینار بۆ ئەو پڕۆژانە خەرجکراون و هیچیان تەواونەکراون.
بەپێی راپۆرتێک، لە پارێزگای هەڵەبجە حەوت پڕۆژەی ستراتیژی بە گوژمەی 61 ملیار دینار، بەهۆی خەرجنەکردنی پارەوە، وەستاون و هیچ یەکێک لەو پڕۆژانە تەواونەکراون.
لە راپۆرتەکەدا هاتووە، لە ماوەی ساڵانی2024 و 2025، لەسەر حەوت پڕۆژەی گرنگی رێگەوبان لە پارێزگای هەڵەبجە، رەزامەندی دراوە، کۆی گشتیی درێژیی ئەم پڕۆژانە 62 کیلۆمەترن و بودجەی تەرخانکراویش بۆیان 61 ملیار و 165 ملیۆن و 693 هەزار بووە، بەڵام تاوەکو ئەم ساتە حکومەت هیچ بڕە پارەیەکی بۆ ئەو پڕۆژانە خەرجنەکردووە، ئەمەش وایکردووە کارکردن لەو پڕۆژانە رابگیرێن.
