دوای بڵاوبوونەوەی دەنگۆی گیانلەدەستدانی منداڵێک لە لافاوەکەی چەند رۆژی رابردووی چەمچەماڵ باوکی منداڵەکە هەواڵەکە رەتدەکاتەوە.
ئەسما ئومێد منداڵێکی دانیشتووی شاری هەولێرە، رۆژێک پێش لافاوەکەی چەمچەماڵ گرتە ڤیدیۆیەکی لە تۆڕی کۆمەڵایەتیی تیک تۆک بڵاوبووەوە کە وادەردەکەوت بە هۆکارێک دەگری.
دوای بڵاوبوونەوەی گرتەکە، دەنگۆی ئەوە بڵاوکرایەوە ناوبراو لە لافاوەکەی چەمچەماڵدا گیانیلەدەستدابێت.
باوکی ئەسما لە روونکردنەوەیەکدا بە تۆڕی میدیایی ئێستای راگەیاند، دۆخی تەندروستیی منداڵەکەی جێگیرە و هیچ گرفتێکی نییە، ئەو دەنگۆیانە دوورن لە راستییەوە.
