شارەوانیی سلێمانی داوا لە هاوڵاتییان دەکات لەکاتی دروستبوونی لافاو پەیوەندی بە ژمارە 100 ەوە بکەن.
سەرۆکایەتیی شارەوانیی سلێمانی بڵاویکردەوە، تیمەکانمان لە بەڕیوەبەرایەتیی شارەوانیی راپەڕین بە هەماهەنگی تیمەکانمان لە سەرۆکایەتیی شارەوانیی سلێمانی هەستان بە چارەسەرکردنی ئەو لافاوەی کە بەهۆی ئەو رێژە زۆرەی بارانەوە ئەمڕۆ دروستبوو لە سنووری شارەوانیی ڕاپەڕین.
ئاماژەی بەوەشکرد، هاوڵاتییان و دانیشتووانی شاری سلێمانی لە کاتی چڕبوونەوەی شەپۆلەکانی باران بارین بۆ هەر پێشهات و رووداوێکی نەخوازراو بەهۆی کۆبوونەوەی ئاو یاخود دروستبوونی لافاو دەتوانن بە زووترین کات پەیوەندی بە تیمی فریاگوزاریی شارەوانیی سلێمانی بکەن لە رێگەی ژمارە 100 ەوە.
