جێگری پارێزگاری سلێمانی رایدەگەیەنێت، شەپۆلەکە بەهێزە و ئەوەی پێویست بووبێت بۆ چەمچەماڵ و بازیانمان ناردووە.
شاهۆ عوسمان، جێگری پارێزگاری سلێمانی لە لێدوانێکدا رایگەیاند، لەبەر سەلامەتی گیانی هاوڵاتییان، رێگەی بازیانمان بۆ چەمچەماڵ، کەرکوک و هەولێر داخستووە، تیمەکانمان لە هەموو شوێنێک هەن و بەدەم هاوڵاتییانەوەن.
وتیشی، گرنگە هاوڵاتییان هاوکارمان بن، ئەگەر کاری پێویستیان نییە لە ماڵەوە نەیەنە دەرەوە.
باسی لەوەشکرد، ئەو تیمانەی کە پێوستبوون بۆ چەمچەماڵ و بازیان نێردراون، لەگەڵ قائیمقامی چەمچەماڵیش لەسەر هێڵین و خەریکە دۆخەکە لەوێ ئاسایی دەبێتەوە.
