جێگری سەرۆکوەزیرانی هەرێمی کوردستان رایدەگەیەنێت، سلێمانی بووەتە پایتەختی کارسازی و وەبەرهێنان لە عێراق و هەنگاو بۆ ئابورییەکی بەهێز دەنێین.
قوباد تاڵەبانی، جێگری سەرۆکوەزیرانی هەرێمی کوردستان، لە کۆڕبەندی وەبەرهێنان لە سلێمانی وتارێکی پێشکەشکرد و رایگەیاند، لە ساڵانی رابردوودا، چەندین کاری جوان لە سلێمانی کراوە، بەڵام زۆرجار لەبەر ململانیێیە سیاسی و داراییەکان، لەبیرمان دەچێت کە کۆمەڵێک سەرمایەداری بوێر و نیشتمانپەروەر زاڵدەبن بەسەر ئاڵنگارییەکان کە داینەمۆی کوردستانن.
دووپاتیشیکردەوە، سلێمانی بە پشتیوانیی کەرتی تایبەت، پێشکەوتنی زۆری بەخۆیەوە بینیوە، خاوەنی ناوەندەکانی فێرکردن و توێژینەوەیە، کە بووەتەهۆی گەشەکردنی سلێمانی و بەشێکی گرنگ و کاران لە دەستنیشانکردن و چارەسەرکردنی کێشەکان.
قوباد تاڵەبانی ئاماژەی بەوەشکرد، لە سلێمانی خاوەنی بەهێزترین کەرتی تەندروستی و پۆلیسین، هاوکات ژنانیش توانیویانە لە کەرتەکان هەنگاوی باش بنێن، ئێمەش هەمیشە بەردەوامدەبین لە هاوکاریکردنی ژنان.
