وتەبێژی بەڕێوەبەرایەتیی گشتیی بەرگریی شارستانیی هەرێمی کوردستان رایدەگەیەنێت، ئەمڕۆ هیچ حاڵەتێکی نەخوازراو رووینەداوە.
سەرکەوت کاڕەش، وتەبێژی بەڕێوەبەرایەتیی گشتیی بەرگریی شارستانیی هەرێمی کوردستان لە لێدوانێکدا رایگەیاند، لە سەرجەم پارێزگا و ئیدارە سەربەخۆکان راپۆرتی تەواومان بۆ هاتووە، بەهۆی شەپۆلی بارانبارینەکەی ئەمڕۆوە هیچ حاڵەتێک رووینەداوە کە شایەنی باسکردن بێت.
باسی لەوەشکرد، لە بێخاڵ بەهۆی بارانەوە چەند تاوێرە بەردێک کەوتونەتە خوارەوە و رێگایان داخست، بەڵام هەرزوو تیمەکانمان توانیان چارەسەری بکەن و رێگاکە بکەنەوە.
