قائیمقامیەتی دەربەندیخان بڵاویکردەوە، بۆ رووبەڕووبوونەوەی لافاو و حاڵەتی نەخوازراو لە ئامادەباشییداین.
قائیمقامیەتی دەربەندیخان، بڵاویکردەوە، دوای پێشبینیی سەرچاوەکەشناسییەکان و ئەو شەپۆلە بارانبارینەی رووی لەهەرێم و ناوچەکە کردووە سڵێمان محەمەد، قائیمقامی قەزای دەربەندیخان لەگەڵ بەڕێوەبەری دامودەزگا ئەمنییەکان و بەڕێوەبەر و نوێنەری فەرمانگە حکومییە پەیوەندیدارەکان کۆبووەوە.
دەشڵێت، قایمقامی قەزای دەربەندیخان داوای لە ئامادەبووان کرد گرفت و داواکارییەکانیان بخەنەڕوو بۆئەوەی تەواوی ئامادەکاری بکرێت بەهەر ئەگەرێک کە بەهۆی کاریگەریی کەشوهەوا دێتەئاراوە.
ئاماژە بەوەشدەکات، دوای خستنەڕووی سەرنج و داواکارییەکان بڕیاردرا ژوورێک بۆ حاڵەتە کتوپڕەکان دروستبکرێت و چەندبڕیارێکیان دەرکرد:
1-دەستبەکاربوونی ئەو لیژنەیە لە دیوانی قائیمقامیەت لەکاتی هەر ئەگەر و رووداوێک.
2-تیمە فریاگوزارییەکان راسپێردران لە ئەرکی زیاتردابن بۆخزمەتکردنی هاوڵاتییان.
3- ئاگاداری ئەو ماڵ و شوێنانە بکرێت کە کەرەستەی بیناسازی و چەو و لم لەبەردەم بینا و ماڵەکانیانە بەزووترین کات لاببرێن بەپێچەوانەوە رووبەڕووی رێکاری یاسایی دەبنەوە و لەلایەن لیژنەکانی زیادەڕۆ کەرەستەکانیان بار دەکرێت و ئەرک و تێچووی لابردن و گواستەوەی دەکەوێتە سەر بەرامبەر.
