بەپێی داتاکانی بەڕێوەبەرایەتیی ئامار، گواستنەوە و گەیاندنی عێراق، لە ماوەی ساڵی 2024ـدا، بەکارهێنانی مۆبایل و ئینتەرنێت لە عێراق هەڵکشانی بەخۆیەوە بینیوە.
بەڕێوەبەرایەتیی ئامار، گواستنەوە و گەیاندنی عێراق لە ئامارێکدا ئەوەی خستووەتەڕوو، کۆی ژمارەی بەکارهێنەرانی مۆبایل لە سەرانسەری وڵاتدا [بە هەرێمی کوردستانیشەوە]، لە ساڵی 2024ـدا گەیشتووەتە 40 ملیۆن و 200 هەزار کەس؛ بەم پێیەش، لە هەر 100 کەسێکدا، 90.5ـیان مۆبایلیان پێیە.
ئاماژەی بەوەشکردووە، ژمارەی هاوبەشانی ئینتەرنێت لە سەرجەم کۆمپانیاکاندا، لە ساڵی 2024 گەیشتووەتە 521 هەزار هاوبەش.
