لەماوەی مانگی ڕابردوودا “ئەیلول” حوکمی سێدارەی سێ هاوڵاتیی کورد لە ئێران جێبەجێ کراوە، وەك رێكخراوێكی مافی مرۆڤ ئاشكرایكردووە.
لەم مانگەدا چوار هاوڵاتیی کورد لە سێدارە دراون و 31 کۆڵبەریش کوژراون و بریندار بوونڕێکخراوی مافی مرۆڤی هەنگاو، كە چاودێریی ڕەوشی مافی مرۆڤ لە ڕۆژهەڵاتی كوردستان و ئێران دەكات ڕایگەیاندووە، “لەماوەی مانگی ئەیلولدا حوکمی سێدارەی سێ هاوڵاتیی کورد لە بەندیخانەکانی ورمێ، بروجێرد و ئەسفەهان جێبەجێ کراون”.
ڕێكخراوەكەی بواری مافی مرۆڤ ئەوەشی خستوەتەڕوو، لەکۆی ئەو سێ کەسە کە لە سێدارە دراون و ناسنامەی تەواویان بۆ هەنگاو ئاشکرا بووە، دوو کەسیان بە تۆمەتی کوشتنی ئەنقەست (قەتڵ) و کەسێکیان بە تۆمەتی بازرگانی کردن بە مادە سڕکەرەکانەوە حوکمی سێدارەیان بەسەردا سەپابوو.
هەر بەپێی ئامارەکانی ڕێكخراوی هەنگاو، لەماوەی مانگی ئابدا چوار هاوڵاتیی کورد لەسێدارەدراون و لانیکەم 31 کۆڵبەریش کوژراون و برینداربوون.
وڵاتی ئێران یەكێكە لەو وڵاتانەی كە سزای لەسێدارەدان جێبەجێدەكات، ڕێكخراوەكانی چاودێریی مافی مرۆڤی ئێرانیش زۆرجار باسیان لەوەكردووە ئەو وڵاتە ئەو سزایە بۆ مەرامی سیاسیش بەكاردێنێت.
