بەڕێوەبەرایەتیی گشتیی کارەبای سلێمانی رایدەگەیەنێت، لە پێشنیوەڕۆی ئەمڕۆوە، پێدانی كارەبای نیشتمانی بەرەو ئاساییبوونەوە دەڕوات.
بەڕێوەبەرایەتیی گشتیی کارەبای سلێمانی لە راگەیەندراوێکدا بڵاویکردەوە، لەئێستادا بەڕێوەبەرایەتیی كۆنترۆڵی كارەبای سلێمانی سەرقاڵی رێكخستنی دابەشكردنەوەی كارەبایە بەسەر وێستگە و فیدەرەكانی كارەبای سنووری پارێزگاکانی سلێمانی و هەڵەبجە و ئیدارەی راپەڕین.
بەپێی راگەیەندراوی وەزارەتی کارەبا، لە ماوەی 24 کاتژمێردا، دۆخی کارەبا لە هەرێمی کوردستان بەتەواوەتی ئاساییدەبێتەوە.
