بریکاری وەزارەتی سامانە سروشتییەکان رایدەگەیەنێت، بەرهەمهێنانی غاز گەیشتووەتەوە ئاستی پێشوو و لە ئەمڕۆوە کێشەی کەمبوونی پێدانی کاتژمێرەکانی کارەبا نامێنێت.
ئەحمەد موفتی، بریکاری وەزارەتی سامانە سروشتییەکان رایگەیاند، لە شەوی رابردووەوە، بەرهەمهێنانی غاز بەشێوەی پلەبەندی دەستیپێکردووەتەوە و لە ئەمڕۆوە، بەرهەمهێنان دەگاتەوە ئاستی پێشوو.
وتیشی، هەر لە ئەمڕۆوە، کێشەی دابینکردنی غاز بۆ بەرهەمهێنانی کارەبا نامێنێت و دۆخەکە ئاسایی دەبێتەوە.
