وەزارەتی سامانە سروشتییەکان رایدەگەیەنێت، بەشی زۆری کێشە تەکنیکیەکانی دانەغاز چارەسەرکراون.
وەزارەتی سامانە سروشتییەکانی هەرێمی کوردستان لە راگەیەندراوێکدا ئاشکرایکرد، ئەمڕۆ تیمێکی هەردوو وەزارەتی سامانە سروشتییەکان و وەزارەتی كارەبا لەگەڵ بەرپرسانی کۆمپانیای دانەغاز سەرقاڵی چارەسەرکردنی کێشە تەکنیکییەکانی بەرهەمهێنان بوون، بەشی زۆری كێشە تەکنیکییەکان چارەسەرکراون، لە هەوڵداین بە زووترین کات دەست بە پڕۆسەی بەرهەمهێنانی گازی سروشتی بکرێتەوە و رەوانەی وێستگەكانی بەرهەمهێنانی كارەبا بکرێت.
ئەوەشی خستەڕوو، پاش دەستپێکردنەوەی بەرهەمهێنانی غاز، راستەوخۆ ئەو غازە بۆ وێستگەکان دەگوازرێتەوە، لە ئەگەری هەر بەرەوپێشچوونێک هاوڵاتییانی هەرێمی کوردستان ئاگاداردەکەینەوە.
