وەزیری کارەبای هەرێمی کوردستان رایدەگەیەنێت، پێشبینیدەکرێت بە زووترین کات پێدانی کارەبا ئاسایی ببێتەوە.
کەمال محەمەد، وەزیری کارەبای هەرێمی کوردستان لە لێدوانێکدا ئاشکرایکرد، ئەگەر زیانەکان تەنیا ئەو کۆگەبن کە هێرشیکراوەتە سەر، پێشبینیدەکرێت لە ماوەی 24 تاوەکو 48 کاتژمێری داهاتوو، پێدانی کارەبا بگەڕێتەوە بۆ دۆخی ئاسایی خۆی.
وتیشی، بەهۆی هێرشەکەوە زیاتر لە دوو هەزار و 700 تاوەکو سێ هەزار مێگاوات کارەبا، لە تۆڕ و هێڵەکانی کارەبای نیشتمانی بڕاوە، هەروەها ئێستا ئەو بڕە کارەبای بە هاوڵاتییان دەدرێت نزیکەی هەزار و 300 مێگاوات کارەبایە، بەمەش دەتوانین تەنیا لەنێوان شەش بۆ هەشت کاتژمێر، کارەبا بدەینە هاوڵاتییان.
ئاماژەی بەوەشکرد، پێوسیتە مۆلیدە ئەهلییەکان کاربکەن چونکە پارە لە حکومەت وەردەگرن.
