وەزارەتی بازرگانی و پیشەسازیی هەرێمی کوردستان بەبڕیارێک ژمارەیەک کاڵای لە بازاڕەکاندا قەدەغە کرد و بڕیارەکە ئەو کاڵایانە قەدەغە دەکات کە بەرواری بەسەرچوونیان زوو لادەچێت.
لە بڕیارەکەی وەزارەتی بازرگانی و پیشەسازیدا هاتووە، ھەر کاڵایەک ماوەی بەسەرچوونی لێزەری نەبێت دەستیبەسەردا دەگیرێت، بۆ ئەو مەبەستە وەزیری بازرگانی و پیشەسازی دەسەڵاتی تەواو دەدات بە بەڕێوەبەراتیەکانی چاودێری بازرگانی بۆ ئەوەی چاودێریی ئەو جۆرە کاڵایانە بکەن.
بڕیارەکە بەمجۆرەیە:
١-ھەر کاڵایەک ماوەی بەسەرچوونی لێزەری نەبێت دەستیبەسەردا بگیرێت.
٢-ھەرکاڵایەک ڕێکەوتی بەسەرچوونی بەدەست لاببرێت دەستیبەسەردا بگیرێت.
٣-ھەر کاڵایەک ماوەی بەسەرچوونی بەلەزگەبێت ولەزگەکە بەئاسانی لێ بکرێتەوە دەستیبەسەردا بگیرێت.
