فڕۆکەخانەی نێودەوڵەتیی سلێمانی رایگەیاند، بەشێک لە ماڵپەڕی دامەزراوەکان لەکارکەوتوون.
فڕۆکەخانەی نێودەوڵەتیی سلێمانی لە راگەیەندراوێکدا بڵاویکردەوە، بەهۆی دروستبوونی گرفتێکی تەکنیکی، ئەمڕۆ بەشێک لە ماڵپەڕی دامەزراوەکان لەکارکەوتوون و لایەنی پەیوەندیدار لە هەوڵی چارەسەری بەپەلەی گرفتەکەدان.
راشیگەیاند، هاوڵاتییان و گەشتیاران ئاگاداردەکەینەوە، بۆ وەرگرتنی زانیاری لەسەر گەشتەکانی فڕۆکەخانەی نێودەوڵەتیی سلێمانی، دەتوانن پەیوەندی بە سەنتەری زانیاریی فڕۆکەخانەوە بکەن.
