بانکی ناوەندیی عێراق بەیاننامەیەکی سەبارەت بە نرخی دۆلار بڵاوکردەوە و باسی لە چارەنووسی دینار بەرامبەر دۆلار کردووە.
بانکی ناوەندیی عێراق بەیاننامەیەکی بڵاوکردەوە و تیایدا هاتووە، لە چەند ساڵی رابردوو رێژەی هەڵاوسان بۆ نزمترین ئاست لە مێژوودا دابەزیوە، ئەمەش بەهۆی پاڵپشتی و سیاسەتی دروستی ئابوریی حکومەتی عێراق و بانکی ناوەندییەوە هاتووەتەدی.
سەبارەت بە نرخی دینار بەرامبەر بە دۆلار ئاماژەی بەوەکرد، بانکی ناوەندی هیچ نیاز و ویستێکی نییە بۆ دەستکاریکردنی نرخی دیناری عێراقی و ئامانجمانە پەرە بە سیاسەتی جێگیری دراوەکە بدەین.
