وەزارەتی خوێندنی باڵای هەرێم 30 دەرفەتی خوێندنی ماستەر و دکتۆرای لە وڵاتی هەنگاریا بۆ خوێندکارانی هەرێمی کوردستان راگەیاند.
وەزارەتی خوێندنی باڵا و توێژینەوەی زانستی بڵاویکردەوە، 30 زەمالەى خوێندنى ماستەر و دکتۆرا لە وڵاتى هەنگاریا بۆ ساڵى خوێندنى (2026-2027) بۆ فێرخوازان و هاوڵاتییانی هەرێمی کوردستان رادەگەیەنین.
ئاماژەی بەوەشکرد، لەو زەمالەیەی راگەیەندراوە 10 یان بۆ خوێندنی ماستەر و 20 یان بۆ خوێندنی دکتۆران، مەرجە ئەو کەسانەی داواکاری پێشکەشدەکەن، هاوڵاتیی هەرێمی کوردستان بن، فەرمانبەر یان مامۆستابن لە کەرتی حکومی و لایەنی کەم دوو ساڵ خزمەتی هەبێت، لەگەڵ کۆمەڵێک مەرجی دیکە.
ئاشکراشیکرد، کاندیدی سەرکەوتوو لەلایەن وڵاتی هەنگاریا، بۆ خوێندنی ماستەر مانگانە بڕی نزیکەی (110) یۆرۆ و بۆ خوێندنی دکتۆرا مانگانە بری نزیکەی (355 – 460) یۆرۆی وەک دەرماڵەی مانگانە پێدەدرێت، بیمەی تەندروستی و کرێی خوێندن و بەشی ناوخۆیی لە زانکۆ بۆ دابیندەکرێت.
بۆ پێشکەشکردنی داواکاری و وەرگرتنی زانیاریی زیاتر کلیک لێرە بکە
