بەڕێوەبەرایەتیی هاتوچۆی گەرمیان رایدەگەیەنێت، لەسەر رێگەی گوندی لانە ستی، لەناو شاری کەلار بەهۆی وەرگەڕانی ئۆتۆمبێلێکەوە، حەوت کەس برینداربوون.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، پاشنیوەڕۆی ئەمڕۆ هەینی، لەناو شاری کەلار و لە رێگەی گوندی لانە ستی، ئۆتۆمبێلێکی جۆری هۆندا ئەڤانتی، بە ئاراستەی رێگەی شەستی هاتووە، کۆنترۆڵی لەدەستداوە و وەرگەڕاوە.
ئاماژەی بەوەشكرد، بەهۆی رووداوەکەوە، شۆفێر و شەش سەرنشینی برینداربوون، سەرجەم بریندارەکان گەیەندرانە نەخۆشخانەی فریاکەوتنی شەهید هەژار لە کەلار، پاش وەرگرتنی چارەسەر، بەهۆی سەختیی برینەکەیەوە یەکێک لە بریندارەکان رەوانەی نەخۆشخانەی سلێمانی کرا.
باس لەوەشدەکات، تیمی هاتوچۆ لێکۆڵینەوەیان لە رووداوەکە دەستپێکردووە، بەمەبەستی زانینی هۆکار و چۆنیەتیی رووداوەکە.
