ئەمشەو، شەممە لە چوارچێوەی ڕوبەڕوبوونەوەکانی هەفتەی 20ی خولی پلە یەکی ئیتاڵیا، یانەی ئینتەرمیلان بردنەوەی بەرانبەر بینیڤێنتۆ تۆمارکرد.
ئینتەرمیلان لە یاریگای جوسێپی میاتزا میوانداری یانەی یبینیڤێنتۆی کرد و یاری نێوانیان بە ئەنجامی چوار گۆڵی بێوەڵام لە بەرژەوەندی لوکاکۆ و هاوڕێیانی کۆتاییهات.
گۆڵەکان لە خولەکەکانی حەوت 57 و 67 و 79 لەلایەن ڕیکاردۆ ئیمپرۆتا (بەهەڵە)، لاوتارۆ مارتینێز، ڕومێلو لوکاکۆ (دوو گۆڵ) تۆمارکران.
بەپێی ئەنجامە تۆمارکراوەکە، ئینتەرمیلان ژمارەی خاڵەکانی گەیاندە 44 و لە پلەی دووەمی ڕیزبەندی یانەکانی کالچیۆ بەردەوامبوو، هەروەها جیاوازییان لەگەڵ ئەی سی میلانی یەکەمی ڕیزبەندی بۆ دوو خاڵ کەمکردەوە، لەبەرانبەردا یانەی بینیڤێنتۆ لە پلەی 12ی ڕیزبەندی بە 22 خاڵ جێگیربوو.
