پڕۆژەی وزەی خۆر لە بەسرە هەنگاوی گرنگی بڕیوە و کۆتایی ئەمساڵ بەشی یەکەمی پڕۆژەکە دەکەوێتەکار.
وەزارەتی کارەبای عێراق ئاشکرایکرد، پڕۆژەی وزەی خۆر لە بەسرە، کە توانای بەرهەمهێنانی 250 مێگاوات کارەبای هەیە، بەرەوپێشچوونی بڕیوە و پێشبینیدەکرێت کۆتایی ئەمساڵ بەشێکی گرنگی پڕۆژەکە بکرێتەوە و بکەوێتەکار.
ئاماژەی بەوەشکرد، پڕۆژەکە لە چوارچێوەی پلانەکانی حکومەتدایە، ئامانجی سەرەکیی پڕۆژەکە زیادکردنی وزەی نوێبووەوە و کەمکردنەوەی پشبەستنە جۆرەکانی دیکەی سوتەمەنی.
گوژمەی تەرخانکراو بۆ پڕۆژەی وزەی خۆر لە بەسرە 820 ملیۆن دۆلارە لەسەر رووبەری 9 هەزار دۆنم زەوی، هەروەها لەلایەن کۆمپانیای تۆتاڵ ئینێرجی فەرەنسییەوە جێبەجێدەکرێت.
