لە سلێمانی ناوی زیاتر لە دوو هەزار و 700 خانەنشین بۆ وەرگرتنی زەوی گەڕایەوە و خانەنشینیی سلێمانییش داوادەکات، بۆ تەواوکردنی مامەڵەکانیان، ئەو خانەنشینانە سەردانیان بکەن.
بەپێی زانیارییەکانی تۆڕی میدیایی ئێستا، ناوی دوو هەزار و 742 خانەنشین بۆ وەرگرتنی زەوی لە سلێمانی گەڕاوەتەوە و ناوەکانیان لەسەر دیواری بەڕێوەبەرایەتیی گشتیی خانەنشینیی سلێمانی هەڵواسراوە؛ ژمارە و ناونیشانی زەوییەکە بەرامبەر ناوەکانیان دانراوە.
بەڕێوەبەرایەتییەکە داوا لەو خانەنشینانە دەکات، بۆ تەواوکردنی مامەڵەکانیان سەردانیان بکەن و ئەم بەڵگەنامانە لەگەڵ خۆیاندا بهێنن:
– کارتی زانیاری.
– پێناسی خانەنشینی.
– کارتی نیشتمانیی خانەنشین و ئەندامانی خێزانی.
– کۆدی یو پی ئێن.
– ژمارەی مۆبایل.
بەپێی زانیارییەکان، ئەم پارچەزەوییانە بەسەر ئەو خانەنشینانەدا دابەشدەکرێن، کە خزمەتیان لە 25 بۆ 30 ساڵدایە.
