ئاوی بەنداوی دەربەندیخان سەرڕێژیكرد و، ژمارەیەكی زۆری هاوڵاتییانی سنوورەكە روویان لێكردووە و وێنەی یادگاری لەگەڵدا دەگرن.
توانای گلدانەوەی ئاو لە بەنداوی دەربەندیخان دوو ملیار و 600 ملیۆن مەتر سێجایە.
بەنداوەكە لە 23ی تشرینی دووەمی 1961 بە رەسمی کراوەتەوە، لەسەر بیرۆکەی دەستەی بوونیادنانەوە لە سەردەمی مەلیکدا دروستکراوە.
لە ساڵی 1946دا دەست بە کارکردن کراوە و چەندین لێکۆڵینەوە کراوە تا گونجاوترین شوێن دیاری بکرێت، دواتر لە ساڵی 1953دا کۆتایی بە لێکۆڵینەوە ھاتووە و لە 1954 دا دەستکراوە بە دیزاینکردن و لە 1955دا گرێبەستکراوە بۆ جێبەجێکردنی، کۆمپانیای دیزاینەر و راوێژکاری جێبەجێکردن (کۆمپانیای ھارزای ئەمریکی) بووە، جگەلە کۆمپانیا ئەمەریکییەکان چەندین کۆمپانیایەکی فەڕەنسی و ڕۆمانی بەشداربوون لە جێبەجێکردنی بەشە جیاوازەکانی بەنداوەکەدا.
