بەڕێوەبەرایەتیی بەرگریی شارستانیی سۆران رایدەگەیەنێت، شەپۆلێکی بارانبارین ناوچەکانی هەرێمی گرتووەتەوە و داواکارین هاوڵاتییان سەردانی ناوچە شاخاوییەکان نەکەن.
بەڕێوەبەرایەتیی بەرگریی شارستانیی سۆران رایگەیاند، بەپێی زانیارییەکانی کەشناسیی هەرێم، پاشنیوەڕۆی ئەمڕۆ پێشبینیی هاتنی شەپۆلێکی بەهێزی بارانبارین دەکرێت.
ئاماژەی بەوەشکرد، داواکارین لە هاوڵاتییانی ئیدارەی سەربەخۆی سۆران، کە ئەگەر کاری پێویستیان نەبوو، سەردانی ناوچە شاخاوییەکان نەکەن و خۆیان بەدووربگرن لە لێواری رووبارەکان، هەروەها ئەو دۆڵ و نشێوانەی کە ساڵانە مەترسیی لافاو و کۆبونەوەی ئاویان لێدەکرێت.
