بەپێی ئامارێكی كارەبای سلێمانی لە ساڵی رابردوودا زیاتر لە 17 هەزار هاوبەشی نوێ كارەبایان وەرگرتووە و لەنێویاندا هاوبەشانی كشتوكاڵی زیادیكردووە.
بەڕێوەبەرایەتیی گشتیی كارەبای سلێمانی رایگەیاند، كۆی گشتیی هاوبەشانی كارەبا تاوەكو 2023/12/31 گەیشتووەتە 527 هەزار و 153 هاوبەش، لەكاتێكدا لە كۆتایی ساڵی 2022دا كۆی گشتیی هاوبەشانی كارەبا 509 هەزار و 973 هاوبەش بووە. واتە لە ساڵی رابردوودا 17 هەزار و 180 هاوبەشی نوێ كارەبایان وەرگرتووە.
لەو ژمارەیە دوو هەزار و 828 هاوبەشی كشتوكاڵی بوون. بەپێی ئامارەكەی كارەبای سلێمانی، لە ساڵی رابردوودا هاوبەشی كشتوكاڵی زیاتر بووه كه ئەوەش نیشانەی ئەوەیە كەرتی كشتوكاڵی لە سلێمانی لە بەرەوپێشچوون و برەودایە.
