محەمەد شیاع سودانی سەرۆک وەزیرانی عێراق بڕیاری ناردنی شاندێکی پزیشکیی دا بۆ شاری هەڵەبجە، بەمەبەستی پشکنین بۆ حاڵەتەکانی شێرپەنجە لەو شارە، هەروەها بڕیاری ناردنی دەرمان و پێداویستیی پزیشکیی بۆ ئەو تووشبووانە دا.
ئەمڕۆ محەمەد شیاع سودانی، داوای لێبووردن و هاوخەمیی بۆ شاری هەڵەبجە دەربڕی کە بووەتە قوربانیی تاوانەکانی رژێمی بەعس.
سودانی رایگەیاند، هەموو هاوکاری و یارمەتییەک پێشکەش بە هەڵەبجە دەکەن، شاندێکی پزیشکی رەوانەی شاری هەڵەبجە دەکەن تاوەکو پشکنین بۆ تووشبووانی شێرپەنجە بکەن و سەرجەم دەرمان و پێداویستییەکانیان بۆ دابیندەکرێت.
ئەم بڕیارەی محەمەد شیاع سودانی لەمیانی دیداریدابوو لەگەڵ شاهۆ حسێن کە یەکێکە لە بەرکەوتووانی چەکی کیمیایی لە شاری هەڵەبجە.
