وتەبێژی کۆمسیۆنی باڵای سەربەخۆی هەڵبژاردنەکانی عێراق، رایگەیاند، لە رۆژانی دەنگدان 48 سکاڵا تۆمارکراون.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق، بە تۆڕی میدیایی ئیستای راگەیاند، لە رۆژی دەنگدانی تایبەت و گشتی بۆ هەڵبژاردنی ئەنجومەنی نوێنەرانی عێراق، 48 سکاڵا تۆمارکراون.
وتیشی، 39 سکاڵا لە رۆژی دەنگدانی تایبەت تۆمارکراون و 9 سکاڵاش لە رۆژی دەنگدانی گشتی تۆمارکراون.
باسی لەوەشکرد، وەرگرتنی سکاڵاکان تاوەکو کۆتایی دەوامی ئەمڕۆ 12ی تشرینی دووەم بەردەوامدەبێت.
