لەکاتی بەڕێوەچوونی نوێژی هەینی لە مزگەوتێکی جاکارتای پایتەختی ئیندۆنیزیا تەقینەوەیەک روویدا.
ئەمڕۆ هەینی لەکاتی بەڕێوەچوونی نوێژی هەینی لە یەکێک لە مزگەوتەکانی جاکارتای پایتەختی ئیندۆنیزیا تەقینەوەیەک روویدا و بەهۆیەوە لایەنی کەم 57 کەس برینداربوون.
دەزگا ئەمنییەکانی وڵاتەکە بڵاویانکردەوە، تا ئێستا سروشتی تەقینەوەکە نەزاندراوە لە ئێستادا سەرقاڵی گواستنەوەی بریندارەکانن بۆ نەخۆشخانەکانی شارەکە.
ئاشکراشیانکرد، لەناو بریندارەکاندا برینی قورس و ناوەند و سوکیش هەن.
