وەزارەتی بازرگانیی عێراق رایدەگەیەنێت، هەر تۆنێک گەنم بە 410 هەزار دینار بە ئاشە تایبەتەکان دەفرۆشرێتەوە.
محەمەد حەنوون، وتەبێژی وەزارەتی بازرگانیی عێراق لە راگەیەندراوێکدا ئاشکرایکرد، بۆ هەر تۆنێک گەنم 410 هەزار دینار دیاریکراوە، کە بەو نرخە گەنمی ناوخۆ بە ئاشە تایبەتەکان بفرۆشرێتەوە، بنەمای ئەم نرخەش بۆرسەی جیهانییە.
ئەمەش پاش ئەوەدێت، بڕیاردرابوو فرۆشتنەوەی گەنمی ناوخۆ بە ئاشە تایبەتەکان، بەهەمان نرخی ساڵی پێشوو بێت، کە بڕی 410 هەزار دینارە بۆ هەر تۆنێک، بۆ دیاریکردنی ئەم نرخەش پشت بە میکانیزمی دیاریکردنی نرخی گەنم بەستراوە لە جیهانیدا.
