توشبووانی كۆرۆنا لە هەرێمی كوردستان پاش تۆماركردنی 48 حاڵەتی نوێ 106 هەزار حاڵەتی تێپەڕاند.
وەزارەتی تەندروستیی هەرێم ئەمڕۆ شەممە 30ی كانونی دووەم بڵاویكردەوە، لەماوەی 24 كاتژمێری ڕابردوودا سێ هەزار و 609 پشكنینی نوێ ئەنجامدراوە و لەو ژمارەیە 48 توشبووی نوێ تۆماركراون.
هەر لەو ماوەیەدا 535 توشبووی نەخۆشییەكە چاكبوونەتەوە و توشبوویەكیش لە پارێزگای دهۆك گیانی لەدەستداوە.
بەپێی ئامارەكەی وەزارەتی تەندروستی تائێستا 106 هەزار و 28 توشبووی كۆرۆنا لە هەرێمی كوردستان تۆماركراون، لەو ژمارەیە 98 هەزار و 378 توشبوویان چاكبوونەتەوە و سێ هەزار و 468 توشبوو گیانیان لەدەستداوە.
