بەڕێوەبەری بەنداوی دوکان رایدەگەیەنێت، ئاستی ئاوی بەنداوی دوکان زیاتر دابەزیوە و چاوەڕوانیی وەرزی بارانبارین دەکەن.
کۆچەر جەمال بەڕێوەبەری بەنداوی دوکان بە تۆڕی میدیایی ئێستای راگەیاند، “بەهۆی ئەو کەمبارانییەی ئەمساڵ و پار هەبوو، ئاستی بەنداوی دوکان دابەزینی زیاتری بەراورد بە ساڵی پار ئەم کاتە بەخۆیەوە بینیوە”.
ئاماژەی بەوەشکرد، “راستە ئاستی ئاوەکە زۆر دابەزیوە، بەڵام ساڵ هەبووە لەم رێژەیەی ئێستا زیاتر دابەزیوە، بۆ ئەمساڵیش چاوەڕێی وەرزی بارانبارینین جارێکی دیکە ئاستی ئاوەکە بەرزبکاتەوە”.
