بافڵ جەلال تاڵەبانی، سەرۆكی یەكێتیی نیشتمانیی كوردستان لە بارەگای مەكتەبی سیاسی لە هەولێر سەردانی خاتوو رێواز فایەق، ئەندامی مەكتەبی سیاسی كرد.
لە دیدارێكدا كە هەڤاڵان دەرباز كۆسرەت رەسوڵ ئەندامی مەكتەبی سیاسی و سەعدی ئەحمەد پیرە وتەبێژی یەكێتی و رێباز بێركۆتی، ئەندامی سەركردایەتی و ژمارەیەك لە كادرانی پێشكەوتووی یەكێتی ئامادەبوون، دوایین گۆڕانكارییە سیاسییەكان گفتوگۆیان لەبارەوەكرا.
لە دیدارەكەدا سەرۆك بافڵ جەلال تاڵەبانی ئاماژەی بە هەوڵەكانی یەكێتی كرد بۆ چارەسەركردنی كێشەكان و رایگەیاند، “هەوڵەكانمان بۆ چارەسەركردنی كێشەكان و تێپەڕاندنی بەربەستەكان بەردەوامە، هەموو هەنگاوێكیش لەپێناو باشتركردنی ژیان و گوزەرانی خەڵكەكەمان و بەهێزتركردنی قەوارەی هەرێم دەگرینەبەر”.
لەبارەی كاری رێكخراوەییش، سەرۆكی یەكێتیی نیشتمانیی كوردستان روونیكردەوە، “هەموو گۆڕانكارییەكانمان لەپێناو خزمەتكردنی زیاتری گەلەكەمانە و دەمانەوێت سەرجەم ئۆرگانەكانمان لە خزمەت هاونیشتمانیاندا بن”.
