وتەبێژی پۆلیسی پارێزگای هەڵەبجە رایگەیاند، لەماوەکانی رابردوودا دەست بەسەر 150 ماتۆڕسکیلی بێ سەرەتادا گیراوە.
ئاکام قوتبەدین، وتەبێژی بەڕێوەبەرایەتیی پۆلیسی پارێزگای هەڵەبجە لە راگەیەندراوێکدا رایگەیاند، “بە بڕیاری دادوەر و بە هاوکاریی بەڕێوەبەرایەتیی هاتوچۆی هەڵەبجە، تواندراوە لەماوەکانی رابردوودا دەست بەسەر 150 ماتۆڕسکیلی بێ سەرەتادا بگیرێت و، دواتر رەوانەی بەش و بنکەکانی هاتوچۆی هەڵەبجە بکرێن تاوەکو لەوێ رابگیرێن”.
وتیشی، “هۆکاری دروستبوونی زۆرێک لە رووداوەکانی هاتوچۆ کە لە سنووری پارێزگاکەدا روویانداوە، مۆتۆڕسکیلە بێ سەرەتاکانن، داوا لە هاوڵاتییان دەکەین دووربکەونەوە لە بەکارهێنانیان”.
