لەمیانی کەرنەڤاڵی جەماوەریی لیستی ٢٢٢ی یەکێتیی نیشتمانیی کوردستان لە شاری کۆیە، بافڵ جەلال تاڵەبانی، سەرۆکی یەکێتیی نیشتمانیی کوردستان، وتارێکی پێشکەشکرد و تێیدا بەروونی مەرج و ستراتیجی یەکێتی بۆ قۆناغی داهاتوو خستەڕوو.
بەشێک لە گرنگترین وتەکانی سەرۆک بافڵ لە کەرنەڤاڵی ناساندنی کاندیدانی لیستی ٢٢٢ی یەکێتی لە کۆیە:
– بەهیواین پارێزگاری هەولێر بێتەوە بیر و یادی کە کۆیە بەشێکە لە پارێزگای هەولێر.
– حکومەتی هەرێم کۆیەی لەبیرکردووە و ئیهمالکراوە.
– کاندیدانی یەکێتی خزمەتکار و پێشمەرگەی ئێوەن لە بەغداد.
– سوێند بە خوا ناچینە حکومەتێک تاوەکو نەزانین هەموو شارەکانی کوردستان وەک یەک خزمەت ناکرێن و بە یەک چاو سەیرنەکرێن.
– کۆیە سەوزە و سەربەرزە.
– ئێمە بەهێزین و ئەمجارە بە هێزی ئێوە زۆر بەهێزترین.
– زابخودێ ئەمجارە بەیەک چاو سەیری هەمووان دەکەین.
– ئێمە لە هەموو پارچەکانی کوردستان بەهێزین.
– ئەگەر لە کوردستانی گەورە هەڵبژاردن بکرایە دەیانبینی کێ ژمارە یەکە لە هەموو کوردستان.
– هەرێم بە خوێن و ماندووبوونی ئێوە دروستبووە.
– بەهۆی ئێوەیە کە ئێمە دەتوانین لە بەغداد جیاوازیی دروستبکەین.
– تەنانەت نەیارەکانیشمان لە بەغداد رێزماندەگرن.
– راستە هەندێکجار زمانمان زبرە، بەڵام بە دڵێکی پاکەوە سیاسەت دەکەین.
– یەکێتی بە 18 کورسی زیاتر لە هەموو لایەنەکانی دیکە لە بەغداد خزمەتیکردووە.
– خەباتدەکەین هەموو شار و هاوڵاتییەک بە یەک چاو سەیربکرێت.
– خوشک و برا کریستیانەکانمان بەشێکن لە کوردستان و لە ئەمڕۆ بەدواوە دووقات خزمەتی کریستیانەکان دەکەین.
