هاتوچۆی گەرمیان رایگەیاند، ئۆتۆمبێلێکی بارهەڵگر و پاسکیلێک بە یەکیاندادا و پاسکیلسوارەکە بەسەختی برینداربوو.
بەڕێوەبەرایەتیی هاتوچۆی گەرمیان، لە راگەیەندراوێکدا بڵاویکردەوە، بەیانیی ئەمڕۆ ئۆتۆمبێلێکی بارهەڵگر و پاسکیلێک لەگوندی شێخ لەنگەرەوە بەئاڕاستەی کەلار هاتوون پێش گەیشتنیان بە گردەگۆزینە پێکیانداداوە، بەهۆیەوە پاسکیلسوارەکە بەسەختی برینداربوو رەوانەی نەخۆشخانە کرا.
دەشڵێت، بریندارەکە لەدایکبووی ساڵی 1966ە، پاش گەیاندنی بەنەخۆشخانەی فریاکەوتنی شەهید هەژار لە کەلار و وەرگرتنی چارەسەری پێویست، بەهۆی سەختیی برینەکەیەوە رەوانەی نەخۆشخانەی سلێمانی کرا.
باس لەوەشدەکات، تیمی هاتوچۆ بەمەبەستی زانینی هۆکار و چۆنیەتیی رووداوەکە لێکۆڵینەوەیان دەستپێکردووە.
