وەزارەتی کارەبا رایگەیاند، “ئێستا دۆخی کارەبا ئاسایی بووەتەوە”.
وەزارەتی کارەبای هەرێم لە راگەیەندراوێکدا بڵاویکردەوە، “بەهۆی دروستبوونی کێشەی گواستنەوەی غازی (LPG) لە وێستگەی غازی کۆرمۆر گرفت دروستبوو، بەهۆیەوە کۆمپانیای دانەغاز ناچار بوو بە دابەزاندنی 100 ملیۆن پێ سێ جا و کەمبوونەوەی 700 مێگاوات بەرهەمهێنانی کارەبا”.
دەشڵێت، “ئاگاداری هاوبەشانی کارەبا دەکەینەوە ئێستا بارودۆخەکە ئاسایی بووەتەوە و بڕی کارەبای بەرهەمهاتوو گەیشتەوە 3700 مێگاوات”.
