بەڕێوەبەرایەتیی گشتیی كەشناسی و بومەلەرزەزانیی هەرێم رایدەگەیەنێت، “ئەمڕۆ و سبەینێ ئاسمان لە نێوان ساماڵ و نیمچەهەوردا دەبێت و پلەكانی گەرماش یەك بۆ دوو پلەی سیلیزیی نزمدەبنەوە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان ساماڵ دەبێت لەگەڵ هەندێك پەڵەهەور و پلەكانی گەرماش كەمێك بەرزتردەبێت لە تۆماركراوی ڕۆژی پێشوو.
لە راگەیەندراوەكەدا هاتووە، سبەینێ شەممە ئاسمان پەڵەهەور و نیمچەهەور دەبێت و پلەكانی گەرما نزمتر دەبێت لە تۆماركراوی رۆژی پێشوو بە نزیكەی 1 تا 2 پلە.
بەرزترین پلەكانی گەرمای پێشبینیكراو بە پلەی سیلیزی :
هەولێر / 16 پلەی سیلیزی
سلێمانی / 14 پلەی سیلیزی
دهۆك / 16 پلەی سیلیزی
كەركوك / 18 پلەی سیلیزی
هەڵەبجە / 13 پلەی سیلیزی
زاخۆ / 16 پلەی سیلیزی
سۆران / 13 پلەی سیلیزی
گەرمیان / 19 پلەی سیلیزی
