سەرۆکی نوێنەرایەتیی حکومەتی هەرێم لە بەغداد رایدەگەیەنێت، ئەم هەفتەیە مووچەی مانگی هەشت دەنێردرێت.
فارس عیسا، سەرۆکی نوێنەرایەتیی حکومەتی هەرێمی کوردستان لە بەغداد رایگەیاند، ئەگەر حکومەتی عێراق هیچ گرفت و بەربەستێکی دیکە دروستنەکات، لەم هەفتەیەدا مووچەی مانگی هەشتی مووچەخۆرانی هەرێمی کوردستان دەنێردرێت.
وتیشی، ئەو ئەرکانەی لەسەر حکومەتی هەرێم بوون، لە داهاتە نەوتی و نانەوتییەکان هەمووی جێبەجێکردووە.
