فڕۆکەخانەی نێودەوڵەتیی سلێمانی رایدەگەیەنێت، بەپێی ئەو خشتەیەی لەلایەن هێڵیی ئاسمانیی تورکش ئەیرلاینەوە نێردراوە، بڕیارە گەشتەکانی ئەو هێڵە بۆ سلێمانی دەستپێبکاتەوە.
بەشی راگەیاندنی فڕۆکەخانەی نێودەوڵەتیی سلێمانی ئاشکرایکرد، بڕیارە رۆژی 3ی تشرینی دووەمی 2025، هێڵی ئاسمانیی تورکش ئەیرلاینی تورکی، بەپێی خشتەیەک گەشتەکانی بۆ فڕۆکەخانەی نێودەوڵەتیی سلێمانی دەستپێبکاتەوە.
ئەوەشی خستەڕوو، گەشتە ئاسمانییەکان لەنێوان ئیستامبوڵ-سلێمانی-ئیستامبوڵ دەبێت، هەفتانەش چوار گەشت ئەنجامدەدرێت.
