نرخی زێڕ بۆ یەکەمجار لە مێژوودا 4300 دۆلاری تێپەڕاند و بەراورد بە شەوی رابردوو، زیاتر لە 100 دۆلار لە بەهاکەی بەرزبووەوە.
ئەمشەو، یەک ئۆنسە زێڕ لە بازاڕەکانی جیهاندا بە چوار هەزار و 310 دۆلار مامەڵەی پێوەکرا، لەکاتێکدا دوێنێ چوارشەممە، نرخی ئۆنسەیەک زێڕ چوار هەزار و 202 دۆلار بوو.
نرخی زێڕ بەراورد بە ساڵانی رابردوو بەرزبوونەوەیەکی بەرچاوی بەخۆیەوە بینیوە و شارەزایانی ئابورییش باس لەوە دەکەن، نرخەکەی لە داهاتوودا زیاتر بەرزدەبێتەوە.
