عومرەکارێکی کورد دوای گەڕانەوەی بۆ هەرێم لە سنووری عەرعەر کۆچی دواییکرد.
بەڕێوەبەرایەتیی حەج و عومرەی هەرێم بڵاویکردەوە، بەرەبەیانی ئەمڕۆ لە کاتی گەڕانەوەیان بۆ هەرێمی کوردستان و دوای ئەنجامدانی سونەتی عومرە عومرەکارێکی کورد بە ناوی (مەلیحە ئەحمەد عەلی خان) تەمەن 88 ساڵان، لە سنووری عەرەعەر کۆچی دواییکرد.
ئاماژەی بەوەشکرد، عومرەکارەکە خەڵكی شاری کەلارە و هەموو ئاسانکارییەک بۆ گەڕانەوەی تەرمەکەی کراوە، بڕیارە هەر ئەمڕۆ بگەڕێندرێتەوە و لە کەلار بەخاکبسپێردرێت.
ئاشکراشیکرد، لە سەرەتای ئەمساڵەوە تا ئێستا 10 عومرەکاری کورد گیانیان لەدەستداوە.
