لەگەڵ هاتنی وەرزی پایز و زستان تووشبوون بە پەتا وەرزییەکان و سەرمابوون زیاتردەبێت، زۆرینەی خەڵکیش باوەڕیان وایە لە رێگەی بەکارهێنانی تەواوکارە خۆراکییەکان بە تایبەت ڤیتامین سی دەتوانن خۆیانی لێپارێزن.
لەیلی حەنبیک سەرۆکی جێبەجێکاری کۆمەڵەی دەرمانسازە سەربەخۆکان دەڵێت، “زۆرینەی بەڵگەکان پێماندەڵێن خواردنی رۆژانەی ڤیتامینەکان بۆ خۆپارێزی لە پەتا وەرزییەکان و و سەرمابوون بێئەنجامە، تەنانەت بەشێک لە توێژینەوەکان دەریدەخەن هیچ پەیوەندییەک لەنێوان تەواوکارە خۆراکییەکان و پەتا وەرزییەکاندا نییە”.
دەشڵێت، “دەکرێت بەکارهێنانی تەواوکارە خۆراکییەکان بە شێوەی رۆژانە بە تایبەت ڤیتامین سی رۆڵی لە کەمکردنەوەی نیشانەکانی نەخۆشییەکە و کەمکردنەوەی ماوەی نەخۆشییەکە هەبێت”.
بە وتەی ئەو پزیشکە ڤیتامینەکان و کانزاکان باشترە لە رێگای خۆراکی تەندروستەوە بەدەستبخرێن.
