وەزارەتی دارایی و ئابوریی هەرێم رایگەیاند، ئەمڕۆ مووچەی مامۆستایانی گرێبەست و بەشێک لە فەرمانبەرانی هەمیشەیی و گرێبەست دابەشدەکرێت.
بەپێی راگەیەندراوی وەزارەتی دارایی، ئەمڕۆ دووشەممە، مووچەی مانگی تەمموزی مامۆستایانی گرێبەستی وەزارەتی پەروەردە و خوێندنی باڵا و توێژینەوەی زانستی، دابەشدەکرێت.
وەزارەتەکە دەشڵێت، هاوکات مووچەی مانگی تەمموز و مووچەی مانگی کانونی دووەمی ساڵی 2025ـی سەرجەم ئەو فەرمانبەرانە دابەشدەکرێت کە لەدوای 1ـی 7ـی 2024، بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون، کە شایستەکانیان لەسەر داهاتی ناوخۆی هەرێمی کوردستان، خەرجدەکرێت.
