سەندیکای رۆژنامەنووسانی کوردستان داوادەکات لە رۆژانی بانگەشەی هەڵبژاردنەکاندا رێز لە رۆژنامەنووسان و دەزگا رەسمییەکان بگیرێت.
سەندیکای رۆژنامەنووسانی کوردستان لە راگەیەندراوێکدا بڵاویکردەوە، “له ماوهی رۆژانی 3 ی تشرینی یەکەم تا 8 ی تشرینی دووەمی 2025، پڕۆسەی بانگەشەی ههڵبژاردنی ئهنجومەنی نوێنهرانی عێراق بەڕێوەدەچێت و لهم ماوهیهدا ململانێ و گوتاری سیاسی و میدیایی تووند دهبێت، به راددەیەک کە زۆرینهی كهناڵهكانی میدیا و رۆژنامهنووسان دهبنه بهشێك لهم تووندبوونی گوتار و لێدوان و ركابهرییە سیاسییە، له رهوشێكی وههای چاوهڕانكراودا، بهپێی ئهزموونی خولهكانی دیكهی ههڵبژاردن، ئهنجومەنی سهندیكای رۆژنامهنووسانی كوردستان، ناخوازێت هیچ پێشێلكارییهك لهدژی رۆژنامهنووسان و دهزگاكانی میدیا دووباره ببێتهوه”.
ئاماژەی بەوەشکرد، بانگ له ههموو لایهنه سیاسییەکان، بەربژێران، دامهزراوه رەسمییەکانی حکومەت و كۆمیسیۆنی ههڵبژاردنهكان دهكەین، هاوكاریی رۆژنامهنووسان بکەن بهو تێگهیشتنهی كه رۆژنامەنووسان تهنیا پیشهیهكی گرنگ پیاده دهكهن، كه پێوهری ئازادی و دیموكراسییه بۆ ههرێمی كوردستان، داوادەکەین رێز لە رۆژنامەنووسان و دەزگا رەسمییەکان بگرن و هاوکاریان بن.
داوایشیکرد، میدیاکان له گوتاری میدیاییاندا، خۆیان بهدوور بگرن لهههر شێوازێكی كاری رۆژانهدا، كه ئاشتهوایی كۆمهڵایهتی و ژینگەی سیاسیی دەشێوێنێت، لە بەرانبەر ئەوەدا ئیتیک و پرۆفیشیناڵی لهكاری میدیایی پێڕەو بکەن.
