وەزیرێکی هەرێمی کوردستان رایدەگەیەنێت، چیتر حکومەتی هەرێم ناتوانێت مانگانە 120 ملیار دیناری داهاتی نانەوتی رادەستی حکومەتی عێراق بکات.
ئەو وەزیرە وردەکاریی کۆبوونەوەکەی ئەمڕۆی ئەنجومەنی وەزیرانی هەرێمی خستووەتەڕوو و دەڵێت، “هەرێم ناتوانێت مانگانە 120 ملیار دیناری داهاتی نانەوتی بداتە بەغداد و بەنیازین پێشنیازێک بدەینە حکومەتی عێراق و دووبارە دانوستان بکەینەوە”.
ئاماژەی بەوەشکرد، نووسراو ئاراستەی محەمەد شیاع سودانی، سەرۆک وەزیرانی عیراق دەکەن و دەڵێن، کە حکومەتی هەرێم ناتوانێت پابەندی ناوەڕۆکی راپۆرتەکەی ئەنجومەنی دەوڵەت لەبارەی داهاتی نانەوتییەوە، ببێت.
