کۆمپانیای یوتیوب سەر بە کۆمپانیای گوگڵ رەزامەندی بە پێدانی 24.5 ملیۆن دۆلار بە دۆناڵد ترەمپ سەرۆکی ئەمریکا دەربڕی لەبەرامبەر داخستنی هەژمارەکەی لە ساڵی 2021 دا.
میدیاکانی ئەمریکا بڵاویانکردەوە، لە ساڵی 2021 و لە سەروبەندی رووداوەکانی کاپیتۆڵ، کۆمپانیای یوتیوب هەژمارەکەی دۆناڵد ترەمپی داخست، بەو هۆیەوە ناوبراو داوایەکی یاسایی لە دژ بەرزکردنەوە.
ئاشکراشیانکرد، دوای تێپەڕبوونی چوار ساڵ، ئەمڕۆ کۆمپانیاکە بڕیاریدا بڕی 24.5 دۆلار بداتە ترەمپ لەبەرامبەر داخستنی دۆسیەکەی.
بڕیارە لەو بڕە پارەیە 22 ملیۆن دۆلاری بۆ دروستکردنی هۆڵێکی بۆنەکان لە کۆشکی سپی خەرجبکرێت، ئەو بڕەی دەمێنێتەوە بەسەر داواکارەکانی دیکەدا دابەشبکرێت لەناویاندا یەکێتیی پارێزەرانی ئەمریکا.
پێشتریش بە هەمان هۆکار کۆمپانیای مێتا 25 ملیۆن دۆلار و کۆمپانیای ئێکس 10 ملیۆن دۆلاریان دابوو.
