وەزارەتی خوێندنی باڵا رایدەگەیەنێت، سبەینێ کۆتا وادە و دەرفەتە بۆ پڕکردنەوەی فۆڕمی زانکۆلاین.
وەزارەتی خوێندنی باڵا و توێژینەوەی زانستیی هەرێمی کوردستان رایگەیاند، “ئەوانەى تاکو ئێستا فۆڕمی زانکۆلاینیان پڕنەکردووەتەوە هەوڵەکانتان چڕبکەنەوە، چونکە کات بەرەو کۆتایی دەڕوات و سبەینێ کۆتا وادەیە بۆ پڕکردنەوەی فۆڕمەکە”.
ئەمەش لەکاتێکدا دێت، ساڵانی رابردوو وەزارەتی خوێندنی باڵا پاش کۆتاییهاتنی وادەی پڕکردنەوەی فۆڕمی زانکۆلاین، بۆ چەند رۆژێکی دیکە وادەکەی درێژدەکردەوە.
