بەپێی پێشبینییەکانی کەشناسیی عێراق، رۆژی هەینی لە ناوچەکانی هەرێمی کوردستان باران دەبارێت.
دەستەی کەشناسیی عێراق، لە راگەیەندراوێکدا بڵاویکردەوە، لەچەند رۆژی داهاتوودا پلەی گەرمی لە چەند ناوچەیەک نزمتردەبێتەوە و لە چەند ناوچەیەکی هەرێمی کوردستان رۆژی هەینی باران دەبارێت.
لەلایەکی دیکەوە بەڕێوەبەرایەتیی گشتیی کەشناسی و بومەلەرزەزانیی هەرێمیش رایگەیاند، ئەمڕۆ و سبەینێ پلەی گەرمی لە ناوچەکانی هەرێم نزمتردەبێتەوە.
دەشڵێت، سبەینێ پێنجشەممە لە هەندێک ناوچەی هەرێم ئاسمان نیمچەهەور دەبێت و لە هەندێک ناوچەی دیکە هەوری تەواو دەبێت.
