بنیامین ناتانیاهۆ، سەرۆک وەزیرانی ئیسرائیل، بەهۆی هێرشەکانی 9ی ئەم مانگەوە، داوای لێبوردنی لە محەمەد بن عەبدولرەحمان سانی، سەرۆک وەزیرانی قەتەر کرد.
کەناڵ 12ی ئیسرائیل ئاشکرایکرد، ناتانیاهۆ لە کۆشکی سپی ئەمریکاوە بۆ ماوەی چەند خولەکێک بە تەلەفۆن قسەی لەگەڵ محەمەد بن عەبدولرەحمان کردووە، دۆناڵد ترەمپ، سەرۆکی ویلایەتە یەکگرتووەکانی ئەمریکا، لە پەیوەندییە تەلەفۆنییەکەدا بەشداربووە.
ئاماژەی بەوەشکرد، ناتانیاهۆ بەهۆی بەزاندنی سنووری خاکی قەتەرەوە داوای لێبوردنی کردووە، هەروەها بەڵێنی قەرەبووکردنەوەی زیانەکانی بە قەتەر داوە.
