بەڕێوەبەرایەتیی هاتوچۆی سلێمانی ئاگاداری ئەو خاوەن ئۆتۆمبێلانە دەکاتەوە کە دەیانەوێت تۆمارکردنی یەکەمجار بۆ ئۆتۆمبێلەکانیان ئەنجامبدەن، لە گرێبەستی ئەلیکترۆنییەوە دەست بە مامەڵەکانیان بکەن.
لە راگەیەندراوێکی بەڕێوەبەرایەتیی هاتوچۆی سلێمانیدا هاتووە، “ئاگاداری سەرجەم ئەو هاوڵاتییانە دەکەین کە لە کاتی کڕینی ئۆتۆمبێل لە کۆمپانیا و پێشانگاکانی ئۆتۆمبێل کە مامەڵەی گواستنەوەی خاوەندارێتی(تحویلکردن) و تۆمارکردنی یەکەمجاری ئۆتۆمبێلەکانیان دەکەن، پێویستە لە کاتی سەردانیکردنیان بۆ ئەنجامدانی -بەڕادی ئۆتۆمبێل -گرێبەستی ئەلیکترۆنیان پێبێت، واتە پێش ئەوەی سەردانی بەڕادەکان بکەن گرێبەستەکانیان ئەنجامدابێت”.
ئاشکراشیکرد، “گرێبەستی ئەلیکترۆنی یەکەم قۆناغی جێبەجێکردنی مامەڵەکەیە و بە گەیشتنی بۆ ناوبەڕێوەبەرایەتی ئەگەر گرێبەستەکە بەردەست نەبێت ئەوا بە چەند رێگایەکی دژوار هاوڵاتی ناچار دەبێت لە رێگای دەستی دووەوە گرێبەست ئەنجامبدات بەم هۆیەشەوە هەڵە و کەموکورتی و بارگرانی لەسەر شانی دروستدەبێت.
