بەهۆی شکستی ئەنجومەنی ئاسایش لە دواخستنی دەستپێکردنەوەی سزا ئابوورییەکان، ئێران باڵیۆزەکانی خۆی لە بەریتانیا، فەرەنسا و ئەڵمانیا دەکشێنێتەوە.
رادیۆ و تەلەفزیۆنی ئێران بڵاویکردەوە، “بەهۆی جووڵە نابەرپرسیارانەکانی سێ وڵاتی ئەوروپییەوە کە بووە هۆی ئەوەی ئەنجومەنی ئاسایشی نەتەوەیەکگرتووەکان دەستبکات بە کاراکردنەوەی سزا ئابوورییەکان، ئێران لە ئەڵمانیا، فەرەنسا و بەریتانیا باڵیۆزەکانی کشاندەوە بۆ تاران”.
بەگوێرەی زانیارییەکانی ئێران پرێس، “ئێران وەک دەربڕینی ناڕەزایەتی باڵیۆزەکانی لەو سێ وڵاتە دەکشێنێتەوە”.
ئەمەش پاش ئەوەدێت، روسیا و چین لە ئەنجومەنی ئاسایش شکستیان هێنا لە دواخستنی دەستپێکردنەوەی سزاکان بۆ سەر ئێران، بڕیاروایە کاتژمێر 3ی بەرەبەیانی رۆژی یەکشەممە، نەتەوەیەکگرتووەکان دەستبکات بە کاراکردنەوەی سزاکان بۆسەر ئێران.
.
